Vijon të jetë shqetësuese situata te Spitali Infektiv, ku po kurohen të prekurit nga koronaviursi.
Sipas burimeve të Fjala.al bëhet me dije se njëri prej dy personave që ndodhen në intubim është një mjek i QSUT.
Mësohet se mjeku 57-vjeçar, A.P punonte në repartin e Hematologjisë, ndërkohë pasi ka rezultuar pozitivë me Covid-19 gjendja e tij shëndetësore është përkeqësuar.
Në komunikatën e saj ditore, Ministria e Shëndetësisë bëri me dije se në 24 orët e fundit 64 persona kanë rezultuar pozitivë me koronavirus, duke e çuar kështu numrin e përgjithshëm e të prekurve në vendin tonë në 2466.
Ndërkohë në Spitalin Infektiv janë duke u kuruar 84 pacientë nga të cilët 11 janë në terapi intensive dhe dy të intubuar /Re.Gu/Fjala.al
