Të shtëna me armë zjarri janë dëgjuar ditën e sotme në fshatin Dobraç në Shkodër.
Mësohet se dy persona, mes tyre një femër kanë qëlluar me armë zjarri nga një motor në drejtim të një mjeti në pronësi të një shtetasi me inicialet F.H. Bëhet me dije se ky i fundit ka shpëtuar pasi asnjë plumb nuk e ka kapur.
Ndërkohë në vendngjarje ndodhet policia e cila po heton ngjarjen dhe rrethana.
Njoftimi:
Ngjarja është shënuar rreth orës 12:30, ku në rrugën e fshatit Vukatanë, Shkodër, në rrethana ende të paqarta është qëlluar me armë zjarri në drejtim të mjetit tip “Hyundai”, me drejtues shtetasin F. H., 30 vjeç, banues në fshatin Dobraç, Shkodër.
Nga të shtënat nuk ka asnjë person të lënduar. Si rezultat e veprimeve të shpejta janë shoqëruar disa persona dhe dyshohet se mes tyre mund të jenë edhe autorët e ngjarjes.
Aktualisht vijon krehja e zonës dhe grupi hetimor po vijon punën për fiksimin e çdo prove që mund të shërbejë për sqarimin e rrethanave të ngjarjes dhe identifikimin e autorëve.
Ndërkohë uniformat blu ndodhen në vendin e ngjarjes dhe po marrin në pyetjes, personin e vendosur në shënjestër të të shtënave./Re.Gu/Fjala.al
