Tirana përmbys Skënderbeun, ruan “status-quo”-në e kreut

113 563 lexime

124,178FansaPëlqeje

Teksa kanë mbetur gjithsej edhe 450 minuta për t’u luajtur deri në fund të këtij sezoni të stërzgjatur për shkak të shpërthimit të epidemisë së virusit korona dhe pasojave të saj, niveli më i lartë i Kampionatit Kombëtar të Futbollit vijon ta ruajë të paprekur gjendjen në kreun e renditjes së tij. Në fakt, ishte fitorja e Tiranës, 2-1 në fushën e Skënderbeut ajo mbylli javën e 31-të të Kategorisë Superiore.

Bardheblutë kryeqytetas ia kanë dalë të rivendosin sërish epërsinë e bollshme prej 9 pikësh nga Kukësi i vendit të dytë, duke kapërcyer mbylljen e pjesës së parë në disavantazhin 0-1 dhe duke përmbysur gjithçka e duke fituar me shifrat 2-1, falë një dygolëshi të Majkëll Ngo’osë. Ky i fundit ishte protagonist absolut në këtë takim me dy gola të shënuar, që e bënë të pavlefshëm atë të shënuar nga Mensah që në minutën e 9-të për vendasit.

Skënderbeu e mbylli pjesën e parë në epërsi, por Tiranëa përmbysi gjithçka në të dytën. Në minutën e 71-të, Kobina jep një pasim të saktë për Ngo’onë, i cili ka hapësirën e duhur në zonë dhe ndëshkon Koliçin me një gjuajtje me kokë. 4 minuta më pas, do të ishte sërish shtatlarti anglez ai që do të shënonte. Pas një këmbënguljeje të gjatë të bardhebluve, topi shkon te Kale.

Ai gjuan nga një distancë e afërt, por topi i devijuar nga Koliçi shkon në këmbët e Ngo’osë, i cili tund për herë të dytë rrjetën. Bardheblutë presin rivalin direkt për titull Kukësin në kryeqytet, një sfidë që do të përcaktojë ndoshta përfundimisht fatin e sezonit. Më herët, verilindorët fituan me vuajtje ndaj Bylisit në Stadiumin “Elbasan Arena” falë 11-metërshit të kthyer në gol nga Vasil Shkurtaj.

Lexo edhe :  Suksesi ndaj Tiranës, Tetova: Pjesë e dytë perfekte, komanduam lojën falë mesfushorëve

Vlerësim maksimal meriton dhe Teuta që merr vendin e 3-ë në renditjen e kampionatit, pas fitores 3-0 në Shkodër ndaj Vllaznisë dhe humbjes minimale të Laçit me Partizanin në kryeqytet dhe Skënderbeut, 1-2 përballë Tiranës. Të kuqtë e drejtuar nga Adolfo Sormani u mjaftuan me një gol ndaj kurbinasve në Stadiumin “Arena Kombëtare” duke hapur garën për pjesëmarrje në Ligën e Europës.

Për sa i përket sfidës së “të rënëve” nga Superiorja Flamurtari-Luftëtari, vlonjatët shpartalluan 6-1 gjirokastritët në Vlorë duke regjistruar një nga fitoret më të thella në këtë sezon. Duhet theksuar se të dy fitoret e vetme që vlonjatët kanë korrur në kampionat, kanë qenë përballë gjirokastritëve. Tirana kryeson në kuotën e 65 pikëve, 9 më tepër sesa Kukësi, ndërsa Teuta është ngjitur në vendin e 3-të, me 50 pikë, një më tepër sesa Laçi dhe dy më tepër sesa Skënderbeu./Bl.Ba/Fjala.al

Të fundit

“Zgjedhjet shtyhen në tetor. E kam të sigurt!”/ Ndoka zbulon letrën e SHBA për Ramën

Kreu i Partisë Demokristiane, Nard Ndoka, është shprehur se qeveria e SHBA-ve ka negociuar me kryeministrin Edi Rama për...

Mistere të pazbuluara, vendet më të fshehura të planetit

Ndërsa shkencëtarët dhe eksploruesit kanë arritur të zbulojnë dhe dokumentojnë shumë nga misteret e Tokës, ende ka pjesë të planetit që mbeten të fshehura...

Stuhia ‘Eowyn’ godet Britaninë, banorët pa energji elektrike, anulohen 1 mijë fluturime

Më shumë se 1,000 fluturime janë anuluar dhe një numër rrugësh kryesore janë mbyllur, pasi miliona njerëzve në Mbretërinë e Bashkuar dhe Irlandë u...

Si ndikon djathi tek niveli i sheqerit në gjak, ja sasia që duhet të konsumoni

Djathi është i pasur me yndyrna dhe kjo mund t’a bëjë atë të duket një ushqim të pashëndetshëm. Ka shumë variacione djathi të cilat...

Greva e përgjithshme ‘mbërthen’ Serbinë, aksion edhe në Mitrovicën e Veriut

Në të gjithë Serbinë është duke u mbajtur të premten një grevë e përgjithshme. Në këtë aksion, qytetarët janë ftuar nga studentët, të cilët për...

Lajme të tjera

Web TV