Ditën e djeshme është ndarë nga jeta Mjeshtri i Madh i valles popullore.Largim i cili ka ngjallur shumë trishtim dhe nostalgji shoqëruar edhe me reagimin e shume figurave të njohura të botës artisike dhe intelektuale.
Sot në Muzeun Historik Kombëtar do të zhvillohen homazhet e të ndjerit Besim Zekthi nga ora 11:00 deri në orën 12:45, ku miq, familjarë dhe dashamirës të tij do ti japin lamtumirën e fundit.
Gjatë krijimtarisë së tij artisti Besim Zekthi ka dhënë kontribut, si kërcimtar, mjeshtër i valles popullore shqiptare, por ka shkëlqyer edhe si solist i Ansamblit të Këngëve dhe Valleve Popullore. Për kontributin e tij ta vyer në kulturën shqiptare mban titujt “Mjeshtër i madh” dhe “Nder i Kombit”.
Ajo që do të mbahet mend gjatë nga brezat e ardhshëm është “Vallja e shqipeve” dhe “Festë ka sot Shqipëria”, ku për këtë të fundit është vlerësuar me “Gjerdanin e Artë” të vendit tonë në festivalin e Dizhonit në Francë në 1970-n. /Ra.My. Fjala.al/
