Mbrojtësi i njohur i skuadrës së Tiranës, Albi Doka ka qenë prej disa sezonesh një nga emrat më të spikatur të bardhebluve. Por tratativat asnjëherë me “tym të bardhë” në merkato, em kanë lënë në kategorinë Superiore, një talent në kulmin e moshës, dhe mundësive për shpërthim. Mesa duket dita nuk është e largët, dhe lojtari i kryeqytetasve, tani ka finalizuar kalimin në kampionatin kroat, ku do të luajë duke nisur nga muaji Gusht.
HNK Gorica është ekipi që ka bindur si Tiranën ashtu dehn Albi Dokën, në një marrëveshje që flitet se ka kushtuar 250 mijë Euro. Mbrojtësi i djathtë i bardhebluve ka firmosur një kontratë 2-vjeçare me klubin që militon në Superligën e Kroacisë, edhe pse kishte interesim edhe nga skuadra me më tepër emër, por pa hapa konkretë.
E veçanta e këtij operacioni është se Tirana nuk do të përfitojë asgjë. Ashtu si zakonisht klubet shqiptare janë të ngathëta në përpilimin e konktratave dhe klauzolave që mund ti “shëndoshin” financiarisht, e kështu për Dokën u kujtuan vonë. Mbrojtësi nuk pranoi rinovimin dhe nga kjo verë do të luajë me Goricën në ligën Dalmate, por shpreson se do të ikë në mënyrën e duhur me një titull “në xhep”…
