Juventus arriti të bindë dhe të shkëlqejë në transfertën e zhvilluar në ushën e skuadrës së Genoa, duke u imponuar 1-3 ndaj formacionit nga Liguria, e duke rivendosur në 4 pikë distancën me Lazio. Vetëm pak pas përmbysjes së bukur të Lazio ndaj Torino, bardhezinjtë morën një sukses komod në “Marassi” me 3 gola në fraksionin e dytë, njëri më i bukur se tjetri, para se të vinte dhe goli i nderit për Genoa, me Pinamonti.
Ndeshja u dominua nga kampionët në fuqi të Italisë, që para pushimit ngacmuan portierin Perin me goditjet e Cristiano Ronaldo. Ndeshja shkoi në rrjedhën e saj në pjesën e dytë kur Paulo Dybala zhbllokoi shifrat me një të majtë fituese, e më pas Ronalo dyhfishoi me një “predhë” nga jashtë zonës.
Trisi i Juventus erdhi me Douglas Costa ndërsa kjo bëri bardhezinjtë të relaksohen e të vuajnë një gol të padëmshëm. Lazio mbetet larg 4 pikë…
