Gjekson Pusi, 33-vjeçari nga Shkodra është arrestuar ditën e sotme pasi dyshohet se qëlloi me armë zjarri ndaj djalit të xhaxhait të deputetit të PS-së.
I riu nuk është i panjohur për Policinë e Shtetit, ai është arrestuar një vit më parë, në tetor të 2019 pasi lëvizte me armë zjarri në qytetin e Shkodrës.Në atë kohë ai u akuzua për veprën penale ‘Mbajtja pa leje e armëve dhe municion luftarak’, ndërkohë Pusi rezulton se ka qenë i dënuar me tetë vite burg për ‘Vjedhje me armë’.
Nën masën ‘arrest shtëpie’, Gjekson Pusi ka qenë i lirë në Shkodër, deri ditën e sotme pasi u arrestua nga policia si i dyshuar për ngjarjen e ndodhur ditën e djeshme në fshatin Vukatanë ku u qëllua me armë zjarri drejt mjetit të Fatjon Harushës, ku ky i fundit shpëtoi pa u kapur nga plumbat. /Re.Gu/Fjala.al
