Policia në Londër ka arrestuar një 27-vjeçar shqiptar pasi ky i fundit akuzohet për pastrim parash dhe trafikim droge. Mediat e huaja kanë bërë të ditur se i riu me origjinë shqiptare është identifikuar si Amir Shkrela, dhe është dënuar me 4 vite burg nga gjykata vendase.
Mësohet se në momentin kur është ndaluar nga autoritetet ai kishte në dy çanta në të cilat fshihej shuma prej 181,000 £ dhe një dokument i rremë identifikimi me fotografinë e tij.
Ai ishte subjekt i një hetimi nga Partneriteti i Krimit të Organizuar (OCP) – Agjensia e Përbashkët Kombëtare e Krimit dhe Shërbimi Policor Metropolitan kundër krimit të organizuar.
Ndërkohë Matt McMillan i Partneritetit për Krimin e Organizuar ka thënë se : Ky është edhe një sukses tjetër për OCP – duke demonstruar se forcat e kombinuara të Shërbimit të Policisë Metropolitane dhe Agjencisë Kombëtare të Krimit janë të angazhuar për të mbrojtur publikun dhe sjelljen e kriminelëve para drejtësisë.Ka.Li/fjala.al
