Njëri luftonte për mbijetesë dhe tjetri për të siguruar vendin që të kualifikon në turneun elitar të klubeve kontinentale. Përballë egos së Chelsea për të mbrojtur Champions, prevaloi instinkti i West Ham për të qëndruar në elitë, pasi derbi londinez në një version “thriller” u mbyll 3-2 për Hammers.
Që kur rinisi Premier League pas pauzës nga coronavirus, kanë qenë 48 pikë në ojë për ekipet në 5 vendet e fundit dhe West Ham ka fituar sa të 4 të tjerët së bashku.
Në stadiumin Olimpik të Londrës u konsumua një ndeshje elektrizuese që meritonte ovacione nga tifozët, por shkallët ishin bosh.
Tomas Soucek iu anulua në mënyrë kontroverse një gol për Hammers pas një off side ndërsa ndeshja mori të tjera përmasa me penalltinë e konvertuar nga Willian. Çeku Soucek gjithsesi arriti të shënonte golin e parë me fanelën e West Ham, dhe këtë e bëri me një goditje me kokë pas kornes. Antonio kompletoi përmbysjen por ishte sërish Willian që çoi sfidën në 2-2 pas një goditjeje dënimi Kur të gjithë prisnin barazimin,zëvendësuesi Yarmolenko vendosi sfidën në favor të West Ham.
