Mesfushori i skuadrës së Teutës, Sherif Kallaku është një nga lojtarët që ka shkëlqyer më shumë gjatë këtij sezoni. Ai është një nga lojtarët më me këmbë në tokë të Kategorisë Superiore, duke bërë kështu një punë të lakmueshme.
Për djalin nga Fushë-Kruja kanë ardhur një sërë ofertash nga kampionatet e huaja, të cilat e vlerësojnë shumë talentin e ‘Djemve të Detit’.
22-vjeçari do një skuadër ku të ketë hapësira të mjaftueshme aktivizimi, ndërsa duket se ka gjetur parimisht dakordsinë e transferimit në Kroaci.
Klubi i Lokomotiva e Zagrebit me shumë gjasa do të jetë skuadra e re ku Sherif Kallaku do të vazhdojë karrierën, duke i shtuar një tjetër element cilësor ekipit që në përbërje ka edhe lojtarë të tjerë me origjinë shqiptare.
Kallaku është përfolur se kishte oferta edhe nga Slask Worklv në Poloni dhe CSKA Sofie në Bullgari, ndërsa duket se ai do të vijojë karrierën te kroatët e Lokomotivës së Zagrebit.
Një marrëveshje verbale është arritur, duke bërë që talenti i Kombëtares të bashkohet me kroatët nga sezoni që vjen.ka.ta/Fjala.al/
