Kryeparlamentarja Vjosa Osmani ka thënë se zgjedhjet duhet të mbahen sa më shpejt që është e mundur. Ndërsa zhvilloi një bisedë virtuale me Cedric Wermuth, nënkryetarin e Partisë Socialdemokrate të Zvicrës, Osmani është shprehur se te dialogu është me rëndësi zbatimi i marrëveshjes.
“Kur do të ketë zgjedhje? Të jem e sinqertë nuk e di. Shpresoj që kjo të bëhet së shpejti. Është me rëndësi zgjedhjet të ndodhin, të kthehemi tek populli, të ri-legjitimohemi sikur pozita ashtu edhe opozita. Mendoj gjithashtu se dialogu është me rëndësi, por nuk e përbën jetesën në Kosovë, papunësia dhe luftimi i korrupsionit janë me rëndësi jetike”, ka deklaruar ajo.
Osmani po ashtu ka folur edhe për të ardhmen e saj politike.
“Çka mund të them tani se do të jem rrotull dhe do të bëjë më të mirën për njerëzit. Në politikë është vështirë të parashihet e ardhmja politike. Por, një gjë është e sigurt – do të jem në anën e drejtë të historisë dhe do të jem bashkë me njerëzit që duan më të mirën për vendin dhe që mbajnë premtimet”, – ka thënë Osmani.
