Laçi, sa shumë vuajtje për 3 pikët në shtëpi

113 563 lexime

124,178FansaPëlqeje

Skuadra e trajnerit Armando Cungu fiton 2-1 ndaj Flamurtarit të mbetur me 10 lojtarë. Sa shumë vuajtje për një fitore, e për më tepër, ndaj një kundërshtari që ka rënë edhe matematikisht nga Kategoria Superiore dhe sezonin e ardhshëm do të luajë një nivel më poshtë. Kështu mund të përmblidhet ajo fitore që Laçi arriti të dielën ndaj Flamurtarit, që për më tepër, luajti për thuajse 70 minuta me 10 lojtarë, pas daljes me të kuq të futbollistit brazilian Olivera, i cili bëri një gjest antisportiv duke goditur me shkelm kundërshtarin Shehi, në minutën e 22-të.

Përtej përpjekjeve të kurbinasve dhe epërsisë numerike në fushën e blertë, pjesa e parë do të mbyllet me rrjeta të paprekura. Në pjesën e dytë, pas vetëm 5 minutash lojë, skuadra e trajnerit Armando Cungu ka arritur të fitojë një 11-metërsh, që shndërrohet në gol nga Nuabueze. Por Flamurtari do të reagojë, ndonëse me një lojtar më pak dhe do ta vërë seriozisht në vështirësi skuadrën vendase, duke arritur madje të gjejë golin në minutën e 61-të, kur Ardit Hoxhaj shtang kurbinasit, duke mposhtur portierin Stazhilla me një goditje nga jashtë zonës.

Minutat e mbetura do të jetë një dialog midis sulmit vendas dhe portierit Moçka, i cili bën gjithçka për ta mbajtur të paprekur rrjetën e tij. Por, 13 minuta para fundit, edhe ai dorëzohet, pasi Turkaj kalon sërish në epërsi kurbinasit. Pas goditjes nga këndi, mbrojtësi goditi saktë me kokë duke tundur rrjetën. Ndonëse e kërkon edhe golin e 3-të, Laçi nuk ia del, por sidoqoftë kënaqet me fitoren 2-1, që e ngjit përkohësisht në vendin e 3-të të renditjes, në pritje të ndeshjeve të së hënës./Fjala.al

Të fundit

Butaforia politike e Berishës

Nga Artur Ajazi Prej 2 javësh, kryetari PD-së Sali Berisha, po “shpjegon në detaje programin e asaj force politike”. Kur...

Vota e diasporës/ Celibashi: Ja kur do të nisë shpërndarja e fletëve

Kryekomisioneri Shtetëror për Zgjedhjet, Ilirjan Celibashi thotë se emigrantëve, zarfi me fletën e votimit do t’u shkojë në banesë. Celibashi u shpreh se postieri do...

Kur ngatërrojmë Europën me BE dhe samitet me reformat!

Nga Lutfi Dervishi Por atëherë përse gjithë kjo histeri? Sepse jemi në fushatë.  Në një akt solemn, qeveria ka shpallur 15 dhe 16 majin ditë pushimi,...

Media britanike jehonë ishullit të Sazanit: Një parajsë për adhuruesit e natyrës!

E përditshmja britanike “Express” i ka kushtuar një artikull ishullit të Sazanit, duke e cilësuar një parajsë për adhuruesit e natyrës. por edhe një ishull...

Fletët e votimit për diasporën/ Nis përgatitja e zarfave

Komisioni qendror i zgjedhjeve po bën gati fletët e votimit për diasporën, që do t’u nisen shqiptarëve jashtë vendit për të marrë pjesë në...

Lajme të tjera

Web TV