‘’Parku i Shtëpisë së Pavarësisë” do të jetë parku më i ri në qytetin e Vlorës, një hapësirë e gjelbër që do të ofrojë kënde pushimi dhe argëtimi për të gjitha moshat.
Projekti i këtij parku është publikuar nga kryeministri Edi Rama në facebook dhe se hapësira e tij do të shtrihet nga rrethrrotullimi i Skelës deri tek porti që do të lidhë bulevardin e ri ‘’Ismail Qemali’’ me Lungomaren.
Kjo hapësirë e gjelbër do të shërbejë si hapësirë shëtitje dhe një oaz për këmbësorët.
“PARKU I SHTËPISË SË PAVARËSISË është projekti më i ri i Rilindjes Urbane të Vlorës, i cili do të marrë jetë së shpejti në hapësirën këmbësore nga rrethrrotullimi i Skelës deri tek porti, ku do të lidhë bulevardin e ri Ismail Qemali me Lungomaren, një oaz fantastik me shtëpinë e flamurit mes gjelbërimit dhe plot kënde pushimi e argëtimi për të gjitha moshat! Vlora që duam“, shkruan Rama.
