Një Botëror që pritet të ketë shumë risi dhe ku një nga sfidat kryesore është ajo logjistike. Sipas statistikave të Komitetit të Organizimit dhe Trashëgimisë, përgjegjës për menaxhimin e projekteve të Botërorit të Futbollit “Katar 2022”, parashikohet prania e gati një milion spektatorëve vendin organizator, që nga fillimi i veprimtarisë.
Organizatorët e Botërorit po bëjnë përpjekje maksimale për të siguruar transport të mjaftueshëm për një numër të tillë vizitorësh, që do të priten për herë të parë në historinë e Katarit. Midis mënyrave të ndryshme të transportit, si vendosja e metrosë, një sukses më vete ky, me të cilin do të udhëtojnë 1/3-ta e tifozëve gjatë Botërorit, automjetet elektrike do të jenë një nga risitë në Katar.
Shteti i Katarit do të shndërrojë 5% të automjeteve të transportit, në makina elektrike, për të ndihmuar pastrimin e mjedisit. Një përgjigje kjo për marrëveshjen e arritur për ta shndërruar 25% të transportit publik në automjete që nuk ndotin mjedisin. Këto automjete do të përdoren në zonat kryesore të shërbimit gjatë Botërorit që mbahet për herë të parë në një vend arab.
la.mi/Fjala.al
