Sulmuesi i skuadrës së Real Madrid, Luka Jovic është izoluar në shtëpi pasi ka takuar një mik, i cili ka rezultuar pozitiv në testin e COVID-19.
Ndonëse në testin e bërë lojtari i madrilenëve ka rezultuar negativ, klubi urdhëroi izolimin e tij dhe është duke u kontrolluar vazhdimisht nga stafi mjekësor raporton La Vanguardia.
Sulmuesi, i cili dëmtoi këmbën e djathtë pak para izolimit nga Covid-19, u rishfaq të shtunën e kaluar në San Mames në takimin kundër Athletic dhe vetëm pas dy ditësh pushim nuk është rikthyer në qytetin e Real Madrid për seancat stërvitore që skuadra ka zhvilluar.
Pas protokollit të vendosur për të shmangur ndonjë ngjitje të infeksionit në staf, Real Madrid e izoloi Jovic të hënën, ndërsa shoku i tij mbetet në karantinë në një hotel.
Lojtari nuk do të jetë pjesë e ndeshjes së Realit ndaj Alaves dhe brenda disa ditësh ai do t’i nënshtrohet një testi të ri për të parë nëse mund të kthehet në stërvitje me pjesën tjetër të shokëve të tij të skuadrës.
Jovic nuk ka performuar siç pritej në sezonin e tij të parë në Real Madrid, i cili pagoi 60 milionë euro për të.
Ai ka pasur disa incidente jashtë fushës që kanë shkaktuar probleme te klubi i madrilenëve.ka.ta/Fjala.al/
