Policia e Korçës ka goditur dy raste të veprimtarisë kriminale në fushën e dhënies së ndihmës shtetasve të huaj për kalim të paligjshëm të kufirit.
Si rezultat janë arrestuar tre persona, pasi janë kapur duke transportuar 31 emigrantë të paligjshëm kundrejt fitimit.
Pas hekurave kanë përfunduar shtetasit A. H., 37 vjeç, banues në Tiranë dhe R. E., 18 vjeç, banues në Krujë.
Sipas burimeve zyrtare këta shtetas në bashkëpunim mes tyre u kapën në aksin rrugor Bilisht-Korçë, në afërsi të fshatit Malavec, duke transportuar me një mjet furgon tip “Benz” 12 emigrantë të paligjshëm, të cilëve kundrejt shpërblimit iu kishin premtuar kalimin drejt vendeve të BE-së.
Pas hekurave ka përfunduar dhe shtetasi R. V., 24 vjeç, banues në Tiranë. Ky shtetas është kapur në dalje të qytetit të Pogradecit, duke transportuar me mjetin “Hyundai”, 19 emigrantë të paligjshëm të cilëve kundrejt shpërblimit iu kishte premtuar kalimin drejt vendeve të BE-së.
Materialet në ngarkim të tyre i kaluan Prokurorive të Rretheve Gjyqësore Korçë e Pogradec për veprën penale “Ndihma për kalim të paligjshëm të kufijve, kryer në bashkëpunim”.
/En.Br./Fjala.al
https://youtu.be/XEVWoMenIvM