Ndërkohë që rastet e infektimeve shënojnë shifra rekord nga dita në ditë në SHBA, presidenti Trump ka thënë se situata në vend është e qëndrueshme.
Trump ka kritikuar dhe ekspertin e sëmundjeve infektive në Amerikë, doktor Anthony Fauci, duke thënë se paralajmërimet e tij nuk janë të mira pasi SHBA janë në gjendje stabël. Madje, Trump tha se për situatën e Covid-19 nuk dëgjon as ekspertët e tij.
Trump kritikoi Faucin, pasi ky i fundit tha se SHBA “po vuan nga infektimi masiv, pasi vetëm në një ditë shënoi 60 mijë të infektuar me Covid-19”. Më shumë se 130 000 amerikanë kanë vdekur tani nga Covid-19, numri më i lartë i viktimave për shkak të virusit në botë.
“Unë nuk jam dakord me Doktor Fuacin. E dini, ai tha dikur “mos vini maska”, kurse tani thotë “ i vendosni ato”. Donald Trump shtoi se Fauci tha edhe se “mos e mbyllni kufirin e SHBA ndaj Kinës”, ndërsa theksoi se e mori vendimin për të mbyllur Amerikën me shtetin kinez.
Ndërsa, Trump ka “përplasje” edhe me politikanë të tjerë, përfshirë nënpresidentin Mike Pence. Donald Trump ka refuzuar të vendosë maskë në publik, edhe pse i është thënë ta bëjë diçka të tillë, nga ekspertët./Re.Gu/Fjala.al
