Ndeshja Verona-Inter mbrëmjen e djeshme është mbyllur me barazimin 2-2. Mbrojtja që shqiptari Marash Kumbulla i bëri portës së verdhëebluve është vëzhguar nga afër nga stafi teknik i Interit.
Ai ia doli që të bllokonte sulmuesin kryesor të zikaltërve, Romelo Lukakun, i cili nuk mundi të bënte dot asgjë për plot 70 minutat që qëndroi në fushë. Mediat italiane i kanë thurur elozhe performancës së 20-vjeçarit dhe dueli të tij me Lukakun.
Kumbulla nuk lëshoi terren në asnjë minutë të kësaj përballjeje, duke treguar potencialin e madh. Më tej raportohet se Verona i tha “jo” ofertës së Lazio prej 20 milionë eurosh, plus mesfushorin Andre Anderson që vlerësohet 5 milionë euro.
Ky klub nuk është i gatshëm të bëjë asnjë zbritje nga 25 milionshin që ka vendosur për shqiptarin. Ndërkohë Juventus dhe Inter po vëzhgojnë garën për Kumbullën dhe kanë shfaqur interes të lartë.
Megjithatë bazuar edhe në vështirësitë financiare të kësaj meraktoje që është goditur rëndë nga Covid-19, ende nuk ka asgjë konkrete.ka.ta/Fjala.al/
