Vetëm pak ditë pas rinisjes së punës Shërbimi i Transportit urban do të ndërpritet sërish ditën e hënë.
Për Grupin Mediatik “Fjala” Rixhin Qosja Kryetar i Shoqatës Kombëtare të Transportit Qytetas bën me dije se nga e hëna, asnjë autobus nuk do të lëvizë në kryeqytet nëse Bashkia nuk plotëson kërkesat e transportit Urban.
Ky vendim pritet që të komunikohet edhe në një deklaratë publike nga Unioni i Transportit Publik.
Shkak për këtë rimbyllje, është humbja e madhe që kompanitë e transportit publik kanë pësuar gjatë periudhës së pandemisë.
Për shkak të masave të vendosura nga shteti autobusët kanë lëvizur me vetëm 30% të kapacitetit të tyre, e përkthyer kjo në pak të ardhura.
Operatorët shprehen se çdo ditë kanë humbur rreth 3 milionë lekë të vjetra naftë, dhe këto para nuk kompensohen nga udhëtarët pasi autobusët lëvizin pothuajse bosh. Kështu, ky aktivitet do të ndërpritet sërish.
Bo.Ba/fjala.al
