Mbyllet java e 33-të e Superiores, ngjeshet kreu i renditjes

113 563 lexime

77,495FansaPëlqeje

Kategoria Superiore e Kampionatit Kombëtar të Futbollit ka mbyllur të shtunën në mbrëmje javën e saj të 33-të, duke ngjeshur kreun e renditjes dhe duke thelluar edhe më tepër grupimet e skuadrave në përputhje me synimet e tyre. Kështu, me fitoren 3-1 në shtëpi të arritur më herët ndaj Luftëtarit të rënë prej javësh edhe matematikisht nga niveli më i lartë i futbollit shqiptar, Laçi është ngjitur në vendin e 3-të të renditjes, në kuotën e 55 pikëve, dy më tepër sesa Teuta.
Kjo e fundit, e cila mbante deri sot pasdite vendin e 3-të, është mundur 0-3 në Stadiumin “Elbasan Arena” përballë Kukësit, në një takim të tensionuar. Në fakt, fati i këtij takimi është vendosur nga një “blic” prej 3 golash në 35 minutat e para. Limaj i ka kaluar verilindorët në epërsi pas vetëm 5 minutash lojë, ndërsa 7 minuta më pas, në të 12-tën, Kuperi dyfishon epërsinë Kukësit. Përtej përpjekjeve të skuadrës së trajnerit Martini, që është goditur dy herë që në fillim, skuadra e Shehit gjen edhe golin e 3-të.
Është Kuperi që gjen rrugën e rrjetës në minutën e 35-të, duke firmosur edhe golin e tij të dytë në këtë takim. Pjesa e parë do të mbyllet me epërsinë 3-golëshe të verilindorëve, ndërsa e dyta do të sjellë 3 kartona të kuq, dy për Teutën dhe një për Kukësin, por edhe një 11-metërsh të shkuar dëm nga kapiteni Musolli për skuadrën e Shehit. Sidoqoftë, Kukësi merr fitoren dhe 3 pikët që tanimë bëjnë që hendeku nga Tirana kryesuese të ngushtohet në vetëm 4 pikë, kur kanë mbetur edhe 9 pikë në lojë.
Tirana ka 66 pikë, ndërsa Kukësi 62, kurse një tjetër skuadër që është ngjitur në renditje është Skënderbeu, që ka vuajtur, por ia ka dalë në fund të ndeshjes të marrë një fitore 2-1 në shtëpi ndaj Vllaznisë. Gripshi i ka kaluar vendasit në epërsi pas vetëm 10 minuta lojë, një epërsi që ka mbetur në fuqi deri në minutën e 72-të, kur Krymi barazon shifrat për shkodranët. Por, është një shkodran, Belaidi Pusi, që fundos Vllazninë në fund dhe Skënderbeu rikthehet te fitorja dhe rihap garën për Evropën.

Lexo edhe :  Kategoria e Parë nis vrapin e ristrukturimit, zbulohet kalendari i ndryshimeve madhore

la.mi/Fjala.al

Të fundit

Drejtësia në kolaps/ Pas Gjykatës së Lartë po bie edhe Apeli

Pas bllokimit të Gjykatës Kushtetuese dhe Gjykatës së Lartë, prej më shumë se 4 vitesh, drejt mbylljes së “qepenave”...

Palmer: SHBA duan një marrëveshje gjithëpërfshirëse në bisedimet Kosovë-Serbi, duhet njohje dypalëshe

Zëvendës Ndihmës Sekretari i Shtetit, Matthew Palmer, shprehet entuziast për rifillimin e bisedimeve mes Kosovës dhe Serbisë. Në një bisedë me portalin Balkan Insider...

Mes rrënojave ka jetë. Momenti i bukur kur vogëlushja nxirret e gjallë

Ky është momenti dramatik, por edhe një mrekulli e vërtetë, kur ekipet e shpëtimit arrijnë të gjejnë të gjallë një vajzë nën rrënoja në...

Parashikimi/ Biden-i do të mposht Trump-in në nëntor

Një profesor i historisë që ka parashikuar saktë rezultatin e të gjitha zgjedhjeve presidenciale amerikane që nga viti 1984, thotë se demokrati Joe Biden...

Lajme të tjera

Web TV