Paralajmërimi i Fleckenstein: Kujdes, marrëveshja për reformën zgjedhore mund të shkatërrohet

113 563 lexime

77,476FansaPëlqeje

Ish-raportuesi për Shqipërinë në Parlamentin e BE, Knut Fleckenstein deklaroi se opozita në parlament duhet të merret seriozisht, pasi përfaqësojnë popullin shqiptar.

Po ashtu këshilltari i kryeparlamentarit Ruçi u ndal dhe tek marrëveshja për reformën zgjedhore.

Në një intervistë për emisionin ‘Kjo javë’ në ‘News24’ , Fleckenstein tha se ishte një marrëveshje e mirë dhe se për të grupet e mëdha politike ranë dakord, por nga ana tjetër ata duhet të jenë të kujdesshëm se mos e shkatërrojnë sërish paktin.

Si i shihni zhvillimet politike në Shqipëri?
Ne kemi folur për gjetjen e një konsensusi, kam dëgjuar edhe deklaratat e presidentit Meta, mund të jetë një problem ndonjëherë sepse duhet më shumë bashkëpunim, sa i përket vendit duhet theksuar se është i nevojshëm më shumë bashkëpunimi. Ka një nisje të vogël në këtë aspekt.

Ka patur një qëndrim të fortë nga PD dhe LSI, këto qëndrime të opozitës jashtëparlamentare si i komentoni?

Nuk jam këtu për të dhënë komente për çdo parti, unë gjithmonë kam qenë kundër djegies së mandatave apo bojkotit. Ka patur edhe politikanë në Serbi që kanë bërë të njëjtë gjë, por unë mendoj se duhet gjetur një kompromis mes opozitës në parlament, opozitës jashtëparlamentare, maxhorancës. Nuk mund t’i hedhim më shumë benzinë zjarrit. Edhe PD ka lobuar për hapjen e negociatave. Dëshira e mirë nga jashtë duket, le të përpiqemi të ecim përpara.

A po e bëjnë deputetët në parlament opozitën?
Siç kam lexuar në gazeta këto ditë ato po e bëjnë opozitën, i kanë marrë seriozisht mandatet e tyre, tek e fundit parlamenti është ai që duhet të vendosë. Unë i marr ata seriozisht, janë në parlament, duhet ta ritheksoj duhen marrë seriozisht, sepse përfaqësues të popullit, janë në interes të çdokujt është tjetër çështje. Por ata janë në parlament dhe përfaqësojnë popullin shqiptar. Nuk mund të them se janë të gjithë njësoj, ka disa që po përpiqen fort për t’i cuar ligjet përpara, por megjithatë le të shohim se si do të vijojë. Më e rëndësishme për dikë që vjen nga jashtë, është të gjejë një mënyrë për ta bërë ligjin elektoral të zbatohet në kohën e duhur të dakordësohet, megjithatë është paksa e vështirë me këto dy lloj opozitash.

Lexo edhe :  Vetëvrasja e të riut të infektuar te "Shefqet Ndroqi", reagon spitali: Kishte 2 ditë që po trajtohej

Cfarë solli marrëveshja për reformën zgjedhore?
Mendoj se është një marrëveshje e mirë. Grupe të mëdha politike ranë dakord, duhet të jemi të kujdesshëm të mos e shkatërrojnë sërish. Kam dëgjuar edhe opozitën në parlament se çfarë kërkon e kam kuptuar se për çfarë e duan dhe nuk mund të jap një qëndrim në detaje si mund të jetë zgjidhja sepse është çështje sensitive dhe nuk mund të jem pjesë e kësaj çështje. Dhe sigurisht nuk mund të themi se parlamenti është vetëm për show. Parlamenti është institucion i rëndësishëm, duhet gjetur një mënyrë patjetër se është shumë e rëndësishme për negociatat.

la.mi/Fjala.al

Të fundit

“Ku do të shkojë halli jonë”, mijëra emigrantë në pritje për të hyrë në Greqi

Në Kakavijë prej ditësh vijon kaosi i radhëve të gjata të qytetarëve shqiptarë të cilët presin për të kaluar...

Mall për vendlindjen/ Igli Tare rikthehet në Nivicë të Tepelenës

Pas përfundimit të kampionatit italian ku Lazio bëri një paraqitje fantastike duke siguruar dhe pjesmarrjen në Champions League, Igli Tare, kthehet për të kaluar...

Tre të arrestuar brenda 5 orësh/ Policia del me apelin e fortë, nxjerr këto pamje

Policia ka vijuar me kontrollet në rrugën interurbane Tiranë-Durrës-Tiranë prej disa orësh, me radar, për të parandaluar shpejtësinë e cila është rrezik potecial për...

Me orgjinë arbëreshe, ka qenë në Shqipëri dhe kishte miqësi me Ali Pashë Tepelenën, 50 fakte për Napoleon Bonapartin

Si sot 251 vjet më parë lindi Napoleon Bonaparti, një nga personazhet më të rëndësishme të historisë së Botës. Strategu më i madh ushtarak...

Aktori Naim Frashëri përkujtohet nga i biri në ditën e lindjes së tij

Aktori Naim Frashëri edhe pse nuk jeton më është përkujtuar sot nga i biri, Anili në ditën e lindjes së tij. Me fjalë shumë të ndjera...

Lajme të tjera

Web TV