Deputetja Rudina Hajdari përmes një dalje për mediat ka deklaruar se personalisht në Kuvend është për interesin e shqiptarëve dhe jo për interesat familjare.
Ndërkaq, Hajdari ka shprehur se kriminelët në Kuvend i kanë futur kryetarët e partive, dhe listat e hapura do t’a reduktojnë këtë fenomen.
“Kanë interesa të ngushta familjare. Unë s’jam në Kuvend për interesin e familjes Basha, Meta, Rama apo edhe interesin e familjes sime. Jam për interesin e familjeve shqiptare. Unë nuk mendoj se listat e hapura do të fusin në Kuvend kriminelë. Nga 2009-a kush i futi këta deputetë kriminelë në Shqipëri? Qytetari i thjesht, apo kryetarët? Pretendimi i tyre s’ka asnjë lloj logjike. Sipas tyre, dhjetra mijëra qytetarë mund të blihen, ndërsa këta që jetojnë në vilra e kodra nuk blihen këta. Unë mendoj se blihet një politikan i pasur. Shqiptarët nuk do zgjidhnin të votonin një kriminel. Këto janë argumentet që po përdorin sot këta njerëz për listat e hapura. Më vjen keq që lideri i PD-së të ketë lartësinë e duhur për të përfaqësuar dhe mbështetur këtë iniciativë për listat e hapura. Më 2017 e tha dhe e premtoi, dhe nuk arriti të mbajë të premtim dhe sot godet premtimin që ka bërë vetë. Një politikan duhet të ketë kohezion dhe qendrueshmëri. Jam këtu për çdo lloj pyetje.”/Fjala.al/Ke.Ba
