Policia ka arritur të mbyllë me sukses operacionin “Nikla” pas 8 muajsh hetime.
Janë vënë në pranga 4 persona të cilët u akuzuan për prodhim dhe shitje të lëndëve narkotike si dhe për shfrytëzim prostitucioni pasi shfrytëzonin seksualisht një 17 vjeçare.
Bëhet fjalë për 4 te rinj mes tyre dhe një minoren,
E. C. , 28 vjeç, banues në fshatin Nikël, Krujë;
F. L. , 25 vjeç, banues në fshatin Borizanë, Krujë, i dënuar më parë për veprën penale “Prodhimi dhe shitja e narkotikëve”, në Itali;
L. S., 17 vjeç dhe A. Sh., 26 vjeç, banues në Krujë;
Policia bën me dije gjithashtu se janë shpallur në kërkim edhe dy shtetas të tjerë A. B., 23 vjeç dhe A. M., 17 vjeç, të dy banues në Krujë ndërkohë që vijon puna për kapjen e tyre.
Këta persona në bashkëpunim me njëri-tjetrin kanë bërë të mundur prodhimin dhe shitjen e lëndëve narkotike si dhe shfytezimin seksualisht të një 17-vjeçareje.
Materialet i kaluan Prokurorisë së Rrethit Gjyqësor Krujë, për veprat penale “Prodhimi dhe shitja e narkotikëve”, “Nxitja për përdorimin e drogës” dhe “Shfrytëzimi i prostitucionit”.
