Implikimi më i rëndë sipas studimit të Auron Tares është se Martin Camaj ka bashkëpunuar me UDB-ë, Shërbimin Sekret Jugosllav. Në atë studim Tare e lidh Camajn me faktin që ka qenë pjesë e Komitetit të Prizrenit, një organizatë me anëtarët shqiptarë të arratisur në Jugosllavi. Një prej tyre ishte edhe Martin Camaj. Por sipas Tares në emisionin HARD TALK NGA ROLAND QAFOKU, kjo organizatë ishte themeluar nga Dushan Mugosha një antishqiptar i tërbuar që kishte dhënë kontribut në themelimin e Partisë Komuniste të Shqipërisë.
-Më falni, çfarë është Komiteti i Prizrenit?
-E keni sqaruar dhe në shkrim.
-Komiteti i Prizrenit është themeluar nga 250 shqiptarë në një konferencë me një lokacion më duket në Shkup. Fjalën e hapjes apo të themelimit e ka mbajtur gjeneral Mugosha, ish njeriu që ka ndihmuar shumë në krijimin e Partisë Komuniste shqiptare dhe në rekrutimin e shumë eksponentëve të tjerë të asaj partie. Në ’50 zoti Mugosha del si njeriu që ka themeluar Komitetin e Prizrenit, i cili sipas dokumentave amerikane sqarohet se ishte 1. organizatë politike, 2. organizatë ushtarake dhe 3. qendër e avancuar e spiunazhit jugosllav me seli në të gjithë qytetet që ishin përqark vijës kufitare me Shqipërinë. Zoti Camaj ka qenë në këtë komitet apo jo? Ma hidh poshtë që s’ka qenë dhe jam dakord./Fjala.al/Ke.Ba
https://youtu.be/Bq2-CcQ_X_I
Na ndiqni LIVE në emisionin HARD TALK NGA ROLAND QAFOKU
https://www.facebook.com/watch/?v=619708155339102
