Ledri Vula, një ndër reperët më te suksesshëm, festoi dy ditë më parë 34-vjetorin dhe mes urimeve të panumërta nga fansat dhe miqtë e tij, ai që na ra në sy ishte urimi i Sara Hoxhës.
“Kjo ishte një nga ditët më të lumtura në jetët tona dhe isha shumë me fat që e ndava me ty. Paçim sa më shumë ditë të tilla! Gëzuar ditëlindjen burrit të cilin do të doja ta kisha gjithmonë në zemrën time #Culi”, -shkroi Sara dhe shumë njerëz këtë e morën si një konfirmim të shtatzënisë.
Mirëpo, “Prive” ka bërë me dije se Sara jo vetëm që është shtatzënë, por nuk është më sekret as gjinia e bebit.
Çifti ka konfirmuar për “Prive” se Sara është në muajin e pestë të shtatzënisë. Ledri dhe Sara shumë shpejt do të bëhen prindër të një vajze, e cila do të vijë në jetë në fillim të dhjetorit. /St.Su. Fjala.al/