Zëdhënësja e PD-së, Ina Zhupa ka denoncuar se kopshti publik nr. 18 në kryeqytet pranon fëmijën e një të infektuari me COVID-19 të njësisë bashkiake nr.2, i cili ka frekuentuar pa asnjë problem kopshtin.
Sipas saj, kopshtet dhe çerdhet po bëhen vatrat e infeksionit në Tiranë dhe akuzon se kjo po ndodh për shkak të papërgjegjshmërisë së drejtuesve që i kanë në varësi.
Përmes një postimi në rrjetet sociale, Zhupa i bën thirrje drejtueses së kopshti nr.18 por edhe çdo kopshti edhe çerdhe tjetër në Tiranë të zbatojnë rregullat dhe mos pranojnë asnjë fëmijë që ka një pjesëtar të familjes me COVID-19 dhe mos të bihen pre e presioneve partiake.
Postimi i plotë:
Kopshti nr 18, kopsht publik në Tiranë në varësi të Bashkisë Tiranë pranon fëmijët e një të infektuari të njësisë bashkiake nr 2!
Kopshtet dhe çerdhet po bëhen vatrat e infeksionit në Tiranë, më shumë nga papërgjegjshmëria e drejtuesve që i kanë në varësi që nga Veliaj dhe të vartësit e tij me radhë.
Mbasi u mbyll njësia bashkiake nr 2 pasi një person, emrin e të cilit nuk mund ta publikoj, doli pozitiv në tamponin për Covid 19, fëmijët e tij shkojnë pa asnjë problem në kopshtin Nr.18 në Tiranë.
Në të dhënat tona drejtoresha i pranon me urdhër nga lart sipas shprehjeve te saj, pasi prindërit i kanë kërkuar mos ti pranoi sipas rregullave për sigurinë e fëmijëve të tjerë.
Duke uruar që fëmijët e tij të gëzojnë shëndet të plotë, i bej thirrje drejtueses së këtij kopshti por edhe çdo kopshti edhe çerdhe tjetër në Tiranë të zbatojnë rregullat dhe mos pranojnë asnjë fëmijë që ka një pjesëtar të familjes me Covid 19, i kujto qoftë fëmija.
Mos të bihen pre e presioneve partiake, politike por të zbatojnë ligjin se ndryshe do jenë të parët që do përballen me pasojat e ligjit për përhapjen e qëllimtë të sëmundjeve infektive.
Shëndeti duhet të jetë parësor për të gjitha dhe shifrat po rriten frikshëm nga papërgjegjshmëria e institucioneve si faktori më i rëndësishëm.
/En.Br./Fjala.al
https://www.facebook.com/inazhupaPD/posts/4066745110063531?__xts__[0]=68.ARAjWplPpnl–K7PMbAH1GqLxGU9Y1aheryr36zCurBK6JKN6GOeIuq9lYYoDrmFGJ2HrrPUyn3zhUSVOC-BXhjdHmOxFWTripcWtM6t25uB_9ZQuGm_qP_nyO3fytSVnmFHEeilm5s6tJJEuK8ggfgP4hRxLFpZS7urJ7kTFRig2uxsrROXclzOMI7FVo9HhsF7nj3QyY53gLH0M-ec1z0vkZ89DB-pJjTG1VT27pL16DJgL12bvUOv6HTbCtiWpYbqe9hEOoO0wV4Z_aO3AEkbOSzMAjvmDoY2clQcT0n2G3GwZtCVoBW-OujHqfjyS_K0CX3ea7N3VKyHCDkAbLoApA3X&__tn__=-R
