Edhe pse vendi është përfshirë nga pandemia COVID-19, Bashkia e Elbasanit vijon me investimet e saj, ndërsa inspektimet janë kryer nga kreu i grupit parlamentar të PS-së, Taulant Balla.
Lulishtja “Kozma Naska” e cila ndodhet në qendër të qytetit është rikonceptuar totalisht, pasi prej shumë kohësh në të nuk ishte vënë dorë.
Balla vlerësoi punën e bërë në zemër të qytetit.
Fjala e plotë
“Me Gledin dhe Evisin vijojmë çdo ditë të inspektojmë punë publike të kryera nga Bashkia Elbasan në dobi të qytetarëve. Deri para pak kohësh ky park ishte marrë peng nga kioska e lokale të cilët e kishin marrë peng këtë park që i përket kësaj lagje. Qëllimi ynë nuk është të kemi vetëm qendrën e qytetit të bukur, por në çdo lagje të krijojmë hapësira të tjera çlodhëse për qytetarët”,- deklaroi Balla. Edhe Kryetari i Bashkisë dhe deputetja Kushi theksuan se ky park i shërben banorëve të kësaj zone. “Investimi i Bashkisë për rivitalizimin e sipërfaqeve të gjelbra i shtoi vlerën të gjithë qendrës së qytetit. Më pas do të fokusohemi në pjesën që quhet “rreth rrotullimi i luleve”. Por Brenda këtij viti do të përfundojmë edhe lulishten tek “Kostandin Kristoforidhi. Për t’i dhënë më tepër frymë kësaj lulishteje Bashkia e Elbasanit ka vendosur gjithashtu që edhe rrugën përbri saj ta kthejë në pedonale në shërbim të qytetarëve”.
Bo.Ba/fjala.al
