Një tjetër viktimë është shënuar pasditen e kësaj të martë në Kosovë. Kryetari i Komunës së Drenasit, Ramiz Lladrovci ka njoftuar se ka vdekur një i infektuar me koronavirus.
Përmes një postimi në rrjetet sociale, kryetari i shpreh ngushëllime familjes Bytyqi për humbjen e tyre.
“Sot, është një nga ditët më të rënda që prej shfaqjes së pandemisë në komunën tonë. Për fat të keq, nga Klinika e Pulmologjisë në Prishtinë, jemi njoftuar se nga komuna jonë, ka vdekur një qytetare e infektuar me covid-19. Ky është rasti i parë që nga fillimi i pandemisë dhe më i rëndi për ne. Familjes Bytyqi i shpreh ngushëllimet më të sinqerta duke bashkëndjerë dhimbjen për humbjen e anëtares se dashur të familjes”, ka shkruar Lladrovci.
Ndërkohë paraditen e kësaj të hëne janë regjistruar dy viktima të tjerë nga koronavirusi, përkatësisht nga komunat Pejë dhe një në komunën e Cernicalit./Re.Gu/Fjala.al
