Arkeologët janë një hap më afër gjetjes së varrit të humbur të Kleopatrës pas zbulimit të dy trupave të mumifikuar që besohet të kenë pasur kontakt të drejtpërdrejtë me mbretëreshën e fundit të Egjiptit.
Besohet se këto dy mumje të kenë qenë në rangun e lartë të shoqërisë dhe mund të kenë ndihmuar vete Kleopatrën përgjatë sundimit të saj. U zbulua se kanë qenë një femër dhe një mashkull dhe ky varr ka qenë i mbyllur për 2000 vjet.
“Megjithëse tani është e mbuluar me pluhur nga 2,000 vjet nën tokë, në kohën kur këto mumje do të ishin spektakolare”, tha Dr Glenn Godenho, nga Universiteti i Liverpool, i cili do të prezantoi dhe një dokumentar ku tregohet kjo histori.
Për shkak të dëmtimit nga uji, mumjet janë në gjendje të dobët, por provat tregojnë se ato dikur ishin të mbuluara plotësisht me fletë ari.
Ky luks ishte zakonisht i rezervuar për anëtarët e rëndësishëm të shoqërisë.
“Për t’u mbuluar në fletë ari tregon se … ata kanë qenë… anëtarë të rëndësishëm të shoqërisë,” tha Dr Godenho.
Kleopatra, mbretëresha e fundit e Egjiptit, është një nga sundimtaret më të famshëm të historisë, por vendbanimi i saj i fundit mbetet një mister i pazgjidhur.
Disa ekspertë besojnë se joshësja e bukur u varros në Aleksandri, ku ajo lindi dhe sundoi për shumicën e jetës së saj.
Të tjerë sugjerojnë që ajo është duke pushuar në zonën antike të Taposiris Magna. Gërmimet në Taposiris u drejtuan nga Dr Kathleen Martínez, i cili ka punuar në këtë vend për 14 vjet.
Ajo tha se ishte më e bindur se kurrë që Kleopatra u varros në tempull pas kësaj gjetjeje të re. Kërkimi për varrin e Kleopatrës vazhdon. Mendohet se më pak se pesë përqind e Taposiris është gërmuar deri më tani. /St.Su/Fjala.al
