Zëdhënësi i Presidentit, Tedi Blushi ka një këshillë për ministrin e Brendshëm Sandër Lleshaj, i cili sot gjatë mbledhjes së Komsionit të Sigurisë, kundërshtoi kthimin nga Presidenti Meta të ligjit për vettingun në polici.
Ndërsa Lleshaj ironizonte duke u shprehur se kërkonte sqarime për “rreziqet elektorale” që vërente Presidenti, zëdhënësi i tij e këshillon duke i treguar një video të kryeministrit Edi Rama gjatë fushatës, që i kërkonte policëve të heqin kapelën e të mbledhin vota për PS.
“Një kujtesë për z.Lleshaj! Policia e Shtetit nuk mund të mbahet peng i vetting-ut selektiv për t’i bërë fushatën partisë”,- shkruan Blushi./Bl.Ba/Fjala.al
