22-vjeçari shqiptar Enea Mihaj shënoi një gol shumë të rëndësishëm për ekipin e PAOK kundër Olympiacos.
Me atë gol mbrojtësi i dha 3 pikë ekipit të tij, që aktualisht është në garë për vendin e dytë, duke i mundësuar kualifikimin në Champions League.
Pas kësaj ndeshje Mihaj ka folur për rezultatin, ku theksoi se marrja e fitores nga goli i tij e bënë akoma më të veçantë atë.
“Është diçka e veçantë, pasi është goli im i parë në karrierë. Speciale e bën edhe fakti që ne morëm një fitore të rëndësishme me atë gol. Po e ndiqja me vëmendje të gjithë trajektoren e topit në aksionin e golit, e ndoqa dhe shënova.”– deklaroi qendërmbrojtësi i Kombëtares, Enea Mihaj.
Skuadra e PAOK-ut renditet e dyta në kampionatin e elitës së futbollit grek, me 3 pikë më shumë se AEK i vendit të tretë dhe që do jetë kundërshtari i tyre i radhës.
Ajo ndeshje do të vendosë se cili do jetë ekipi i dytë që do kualifikohet për në Champions League pas Panathinaikosit që është i pari.
Mihaj ka pasur shumë pak hapësira për të luajtur gjatë këtij kampionati, por në momentin që iu dha mundësia shënoi një nga gol vendimtar.ka.ta/Fjala.al/
