Janë zbardhur emrat e 11 zyrtarëve të arrestuar ditën e sotme nga policia e Tiranës pas urdhrit të Prokurorisë së Posaçme kundër Korrupsionit dhe Krimit të Organizuar.
Ata akuzohen se lëshonin libreza shëndetësore në mënyrë abuzive me qëllim punësimin.
Nga personat që janë në hetim, nëntë prej tyre iu është caktuar masa e sigurisë “arrest shtëpie”, dy “arrest me burg” dhe tre janë në hetim në gjendje të lirë.
Burime pranë policisë bëjnë me dije se në qeli janë lënë shtetasi: Niko Nika dhe Hazis Lura.
Masa “arrest shtëpie” iu është caktuar shtetasve: Eda Myftari, Ihsan Hasani, Franc Daija, Ilir Hoxha, Ornela Balla, Johana Sinani, Arjan Gjoka dhe Evald Bejaj.
Dhe “pezullim të ushtrimit të detyrës” ndaj: Luiza Metani (Goduni), Diana Hysi, Marinela Sulmina (Hysi). Këta tre shtetase po hetohen në gjendje të lirë.
Personat e sipërpërmendur akuzohen për veprat penale: “shpërdorim detyre” , “korrupsion pasiv i personave që ushtrojnë funksione publik” dhe “ushtrim i ndikimit të paligjshëm ndaj personave që ushtrojnë funksione publike”.
/En.Br./Fjala.al
Lëshonin libreza shëndetësore në mënyrë abuzive, arrestohen 11 zyrtarë me urdhër të SPAK
