Më 11 mars në studion e emisionit Opinion, OriolaPampuri pati një debat të fortë me drejtorin e Urgjencës Kombëtare Skënder Brataj. Ata kaluan në fyerje dhe Pompuri arriti sa t’i thoshte se duhet të kërkonte falje duke i ngritur tonin e zërit. Por cfarë mendon vetë Pampuri për këtë debat? Në emisionin HARD TALK NGA ROLAND QAFOKU, Pampuri tha se përveç tonit të zërit nuk ka bërë asnjë gabim.
-Zonjë një nga temat që ju jeni ftuar më tepër për biseda në studio është për shëndetin. Si është situata me atë që ju keni? Sepse ne kemi dy versione, një të qeverisë dhe një të opozitës. Tani vetë, thua ndonjëherë “mos e teprova një çikë”. I thua ndonjëherë bashkëshortit “ore mos e kalova një çikë”.
-I them kur ngre zërin ndonjëherë. Dhe ata e dinë shumë mirë që unë kur ngre zërin e dinë që dal jashtë vetes.
-E ke fjalën për atë bisedën te Fevziu?
-Edhe për atë.
-E pranoni që gabuat?
-Gabim? Gabim që ngrita zërin ndoshta. Kur ngre zërin për një kauzë reale…
-Ja ngritët një kolegu, një mjeku…
-Unë bashkëshortin tim e kam mjek dhe… Vërtet ai ishte mjek, por është përfaqësues i një këshilli dhe ishim menjëherë pas një denoncimi që PD kishte bërë për maskat e skaduara. Ishim në fillim të një pandemie me të cilën askush prej nesh nuk e dinte se çfarë e priste. Qytetarët prisnin të dinin më shumë, por një mjek të deklarojë që maskat e skaduara nuk kanë asnjë lloj problem të përdoren, ishte e rëndë. Një njeri që do të bëhet diçka e mirë nuk mund të qëndrojë i qetë sepse sado ta ruajë qetësinë, do dalë jashtë vetes sepse është e pamundur në një moment të tillë.
-Jeni duke thënë që nuk bëtë gabim?
-Kjo ishte arsyeja zoti Qafoku që unë ngrita zërin./Fjala.al/Ke.Ba
https://www.youtube.com/watch?v=NKoI6aAt5HM
Na ndiqni LIVE në emisionin HARD TALK NGA ROLAND QAFOKU
https://www.facebook.com/portalifjala/videos/598634981041786/
