Ministrja e arsimit në Shqipëri, Besa Shahini është takuar ditën e sotme me homologun e saj kosovar ministrin e Arsimit dhe Shkencës Ramë Likaj. Lajmin e ka bërë të ditur vetë ministrja përmes një postimi në rrjetet sociale, ku shkruan se kanë biseduar mbi bashkëpunimin e deritanishëm në arsimin mes Shqipërisë dhe Kosovës .
“Sot në Prishtinë takova Ministrin e Arsimit dhe Shkencës Ramë Likaj me të cilin biseduam mbi bashkëpunimin e deritanishëm në arsim mes Shqipërisë e Kosovës dhe thellimin e mëtejshëm të tij.
Për shkak të kushteve të pandemisë në të cilën gjendemi, dakorduam gjithashtu për harmonizimin e planeve të veprimit drejt fillimit të vitit të ri shkollor.
Na pret një vit i vështirë shkollor, por në bashkëveprim të ngushtë me miqtë e partnerët do t’ja dalim më së miri në mënyrë që mësimi të zhvillohet sa më cilësisht dhe pa krijuar boshlleqe tek nxënësit tanë. ?????”. shkruan Shahini.
