Askush nuk e di saktësisht pse Tajlanda është “kursyer” nga Covid-19. A është distancimi shoqëror i ngulitur në kulturën tajlandeze që ka penguar transmetimin e koronavirusit në vend?
A i bëri të detyrueshme që në fillim Tajlanda maskat, të ndërthurura me një sistem të fuqishëm të kujdesit shëndetësor?
A ekziston një komponent gjenetik në të cilin sistemi imunitar i njerëzve në Tajlandë dhe njerëzve të tjerë në rajonin e lumit Mekong i bën më rezistent ndaj koronavirusit? Apo është ndonjë bashkim i të gjithë këtyre faktorëve që ka izoluar këtë vend prej 70 milion banorësh?
Një gjë është e sigurt. Pavarësisht një fluksi të vizitorëve të huaj në fillim të vitit nga vendet e prekura më keq nga koronavirusi, Tajlanda ka regjistruar më pak se 3,240 raste dhe 58 viktima. Që nga e enjtja, për 7 javë nuk ka pasur raste të reja me koronavirus.
Shkalla e ulët e rasteve në Tajlandë është ndryshe nga vendet e tjera. Vietnami nuk ka regjistruar asnjë viktimë dhe nuk ka raportuar asnjë rast të ri për 3 muaj. Myanmar ka konfirmuar 336 raste me koronavirus. Kamboxhia 166 dhe Laos vetëm 19. Yunnan, provinca kineze në pjesën jugperëndimore kishte më pak se 190 raste. Por nuk asnjë rast aktiv deri më sot, shkruan Abcnews.
“Unë nuk mendoj se bëhet fjalë vetëm për imunitetin e njerëzve që jetojnë këtu ose nëse ka diçka që lidhet me gjenetikën e tyre,” tha Dr. Taweesin Visanuyothin.
“Ka të bëjë me kulturën. Njerëzit këtu nuk kanë kontakt me njëri-tjetrin kur përshëndeten
Por situata nuk ka qenë përherë e tillë. Në janar, Tajlanda konfirmoi rastin e parë në botë me koronavirus jashtë Kinës –një turist nga Wuhan, qyteti qendror kinez, ku besohet të ketë filluar shpërthimi.
Një valë tjetër e rasteve të reja erdhi nga njerëzit që vinin nga Japonia, Europa dhe Shtetet e Bashkuara. Por pasi vendi u izolua në mars, duke mbyllur bizneset dhe shkollat, nuk u raportuan raste të reja brenda vendit. Të gjitha rastet e fundit të Tajlandës kanë qenë në mesin e njerëzve që kanë ardhur nga vendet e tjera.
Doktor Wiput Phoolcharoen, një ekspert i shëndetit publik në Universitetin Chulalongkorn në Bangkok i cili po heton një shpërthim të koronavirusit në Pattani në Tajlandën jugore, vuri re se më shumë se 90 përqind e atyre që rezultuan pozitivë ishin simptomatikë.
“Ajo që ne po studiojmë tani është sistemi imunitar,” tha ai.
Spitalet e Tajlandës nuk janë të mbingarkuar nga pacientët me koronavirus por ekonomia e vendit e varur nga turizmi është shkatërruar. Në prill, Tajlanda ndaloi pothuajse të gjitha fluturimet. Ministria e turizmit dhe sportit vlerëson se 60 përqind e bizneseve mund të mbyllen deri në fund të vitit.
Fondi Monetar Ndërkombëtar parashikon që ekonomia do të tkurret me të paktën 6.5 përqind këtë vit. Më shumë se tetë milion tajlandezë mund të humbasin punën ose të ardhurat e tyre në vitin 2020, sipas Bankës Botërore.
Një ndjenjë e normalitetit është rikthyer kohët e fundit në Tajlandë. Shkollat janë rihapur dhe fëmijët mbajnë maska për fytyrën dhe studiojnë duke ruajtur distancën. Dhe në fillim të prillit, anulimi i festimeve të Vitit të Ri tajlandez shkaktuan një ngërç në turizmin vendas. Tajlanda ka lejuar gjithashtu një pjesë të turistëve të vizitojnë vendin por me ardhjet e reja vjen edhe rreziku i infektimit.
Këtë javë, një pilot ushtarak egjiptian u konfirmua pozitiv me koronavirus, pasi ai shkeli karantinën dhe vizitoi qendrat tregtare. Disa shkolla janë mbyllur përsëri. Dy aktivistë që protestuan kundër trajtimit të qeverisë për shkeljen e karantinës u arrestuan të Mërkurën për kundërshtimin e dekretit të urgjencës së Tajlandës.
Ende është enigmë se përse punëtorët migrantë që erdhën nga Tajlanda rezultuan pozitivë me koronavirus, pavarësisht se nuk u përfshinë në numrin zyrtar të rasteve në vend. Shkalla e testimit të Tajlandës mbetet relativisht e ulët.
“Ne po humbim ende nga ky virus,” tha Dr. Taweesin, zëdhënësi i ministrisë së shëndetësisë, “ne duhet të rrisim vigjilencën”.
