Policia ka zbardhur plagosjen e ndodhur mesditën e sotme në fshtin Kasnicë, Patos dhe si rezultat ka vënë në pranga autorin.
Pas hekurave ka përfunduar shtetasi Alionid Sali, 31 vjeç, banues në Kasnicë, Patos. Ky shtetas për motive të dobëta, ka qëlluar me thikë shtetasin P.S., 46 vjeç.
Burime zyrtare bëjnë me dije se pas kryerjes së veprës penale, 31-vjeçari u largua nga vendngjarja me mjetin e tij tip “Benz” por është kapur në fshatin Drizarë, Mallakastër.
Në cilësinë e provës materiale është sekuestruar arma e ftohtë(thikë) dhe automjeti me të cilin u largua.
46-vjeçari i plagosur ndodhet në Spitalin Rajonal Fier nën kujdesin e mjekëve.
Materialet do i kalojnë Prokurorisë pranë Gjykatës së Shkallës së Parë Fier për veprën penale “Vrasje me dashje e mbetur në tentativë”.
/En.Br./Fjala.al
