Skënder Brataj, kreu i Urgjencës Kombëtare ka folur rreth situatës nga Covid-19 të krijuar në vendin tonë. Gjatë intervistës në “Provokacia”, Brataj veçoi infektimet e moshave të reja dhe gjithashtu foli për rastin e 21-vjeçares e cila pak ditë më parë humbi jetën si pasojë e koronavirusit. Brataj tha se personat të cilët vuajnë nga patologji të ndryshme janë më të rrezikuarit.
21-vjeçarja për të cilën nuk u dha asnjë e dhënë tjetër përveç moshës dhe se vuante nga sëmundje bashkëshoqëruese, sindromën metabolike, hipertension, obezitet dhe diabet, u bë viktima më e re nga Covid-19 në Shqipëri.
“Për të rinjtë, me hapjen e masave dolën më shumë dhe janë më të pak të kujdesshëm. Për sa i përket të rinjve në terapi intensive nuk më rezulton, ishte vetëm rasti i djeshëm por ishte me sindromë metabolike, që përfshin hipertensionin, obezitetin dhe diabetin. E kemi thënë që ata me patologji janë më të rrezikuar”, u shpreh ai./Re.Gu/Fjala.al
