Tentoi vetëflijimin me benzinë një ditë më parë tek godina e Kryeministrisë. U mësua nga mediat që personi ishte taksist, 39 vjeç nga Tirana, të cilit i ishte hequr patenta dhe ishte në kushte të rënda psikologjike kur vendosi të bënte këtë akt. Fatmirësisht nuk u finalizuar pasi ndërhyri garda.
Por teksa kërkon për taksistin 39 vjeçar rezulton se nuk është fare i panjohur, pasi bëhet fjalë për Uljan Kolgjegja, i cili dallohet për taksinë e veçantë, me të cilën jo vetëm që kryen shërbim, por përcjellë edhe mesazhe qoftë edhe politike.
Të gjithëve na kujtohet tatuazhi në krah i Luana Vjollcës, prezantueses dhe këngëtares që nuk nguroi ta takonte taksistin në fjalë. Jo vetëm kaq, por Kolgjegjja në pjesën e zemrës ka një tjetër tatuazh, këtë herë të Sali Berishës, ish-kryeministrit të Shqipërisë.
39-vjeçari nuk ka përemër vetëm politikanët shqiptarë dhe kjo dallohet qartësisht në pjesën e prapme të makinës së tij që shërben si taksi. Aty ai mban një flamur amerikan me foton e Donald Trump, presidentit të Amerikës.
Bo.Ba/fjala.al
