Pas tre ndeshjeve pa fitore me Milanin, Atalantën dhe Sassuolon, Juventus kërkon të marrë tre pikët në ndeshjen e javës së 34-t me Lazion, që do të zhvillohet mbrëmjen e sotme në orën 21:45 në Allianz Stadium në Torino.
Bardhekaltrit kanë qenë prej kohësh një nga rivalët e bardhezinjëve për titullin kampion të Serisë A.
Megjithatë pas pjesës së parë të këtij sezoni që ishin dominant, skuadra e trajnerit Simone Inzaghi ka pësuar një rënie të thellë për shkak të dëmtimeve të shumta dhe gjendjes jo të mirë të lojtarëve.
Nëse do të fitojë sonte Juve, do të ngrihej në +8 nga Interi i dytë, i cili u ndal në barazimin 2-2 nga Roma.
Takimi me Lazion do jetë një sfidë e ndërlikuar për Cristiano Ronaldo dhe shokët e tij, të cilët në dy ndeshjet e fundit të drejtpërdrejta, kanë pësuar dy nokaut.
Në kampionat u mundën me rezultatin 3-1, me golat e shënuar nga Luiz Felipe, Milinkovic-Savic dhe Caicedo, të cilët rrëzuan avantazhin e parë që kishte marrë Juve në atë takim.
I njëjti rezultat u mor edhe në Superkupën e Italisë që skuadra e Simone Inzaghi u kthye fitoi falë golave të Luis Alberto, i cili do jetë një mungesë e madhe në sfidën e mbrëmjes së sotme, Lulic dhe Cataldi.
E padobishëm ishte goli i Dybalas, që ishte i vetmi në këtë takim. Pra në takimin e mbrëmjes së sotme pritet të ketë shumë surpriza.ka.ta/Fjala.al/
