Princesha Beatrice është martuar me burrin e saj italian Edoardo Mapelli Mozzi, në një ceremoni të fshehtë në kështjellën mbretërore Ëindsor në Britani, me gjithsej 20 të afërm, përfshirë dhe mbretëreshën Elisabeth.
31-vjeçarja Beatrice dhe Edo shkëmbyen premtimet këtë të premte në rezidencën e Princit Andreë.
Çifti duhet të lidhnin kurorë në Pallatin Mbretëror St James ,por ceremonia u shty për shkak të pandemisë .
Mbretëresha 94-vjeçare, ishte në ceremoni së bashku me bashkëshortin Duka i Edinburgh, 99 vjeç.Ajo kishte zgjedhur të vishtë një fustan ngjyrë mente dhe një kapele klasike duke u treguar tepër modeste.
Në deklaratën e pallatit mbretëror thuhet: “Ceremonia e vogël përfshinte mbretëreshën, Duken e Edinburg dhe familjarë të afërt. Martesa u krye në përputhje me udhëzimet përkatëse të qeverisë”.
Kisha mbretërore mund të presë deri në 180 të ftuar dhe ka mundësi për distancim social. Mësohet se çifti nuk kanë dashur të publikojnë foto, pasi nuk dëshironin të tërheqnin vëmendjen para dhënies së titullit të Kalorësisë së Kapiten Tom Moore nga Mbretëresha Elisabeth, në ceremoninë që u krye po të premten./St.Su.Fjala.al/
