Presidenti i Federatës Shqiptare të Futbollit, Armand Duka ka folur sot për herë të parë për ndeshjen shumë të diskutuar midis Bylisit dhe Tiranës.
Ai takim ngriti dyshime të mëdha për trukim të rezultateve, vuri menjëherë në lëvizje FSHF-në.
Ndërsa ka qenë në Kukës për inspektimin e punimeve në stadiumin e ri “Zeqir Ymeri”, Duka është shprehur se nëse ato dyshime rezultojnë të vërteta atëherë përgjegjësit do duhet të përballen me pasojat.
“Është një dyshim i fortë për trukim. Nuk jam hetues, më është dukur dhe mua njëlloj si të tjerëve, juristët po mbledhin fakte në bashkëpunim me UEFA-n për të dalë në një përfundim. Me vjen keq që rikthehet ky diskutim, aq më shumë për një ekip që është shpallur kampion. Nëse do të vërtetohet që do të ketë trukime, do të ketë vendimet e merituara për të larguar ketë njollë nga futbolli shqiptar.”– u shpreh ai.
Komisioni i Etikës në FSHF ka bërë dy mbledhje atë ndeshje, ndërsa nesër pritet të mblidhet sërish, ku me shumë gjasë mund të ketë një përfundim paraprak.ka.ta/Fjala.al/
