Kampioni i botës në Moto GP, Marc Marquez pati një aksident të frikshëm në garën e parë të sezonin të 2020-ës.
Marquez u dëmtua rëndë në shpatull nga ai aksident. Sot ai i është nënshtruar një operacioni dhe si pasojë, piloti i Honda-s do të mungojë në garën e radhës, atë që zhvillohet këtë fundjavë, po në Jerez të Spanjës.
Mjeku që operoi Marquez ka vendosur një pllakë për të reduktuar 3 frakturat që ka marrë në shpatullën e djathtë dhe koha e rikuperimit mund zgjasë nga 10 deri në 15 ditë.
Kjo nënkupton që ai mund të rikthehet në pistën për garën e tretë sezonale, që do zhvillohet më 9 gusht, në pistën e Brno të Republikës Çeke.
Megjithatë rikthimi i tij në pistë është ende në dilemë dhe gjendja e tij do të shikohet dita-ditës para se të merret një vendim.
Momentalisht është e nevojshme që kocka të sistemohet plotësisht, për të evituar që dëmtimi të jetë më i rëndë në rast se piloti rrëzohet sërish në të ardhmen.ka.ta/Fjala.al/
