Ekipi i Tiranës u shpall mbrëmjen e së dielës matematikisht kampion i Kategorisë Superiore, ndonëse kanë mbetur ende edhe dy ndeshje nga mbyllja e sezonit.
Ditën e djeshme kryetari i Bashkisë së Tiranës, Erion Veliaj bëri me dije se klubi do të shpërblehej për këtë trofe.
Ndërsa sot në mbledhjen e këshillit Bashkiak, Veliaj propozoi që lojtarëve të Tiranës t’u jepet si shpërblim shuma e 150 milionë eurove.
Nga fondi i akorduar nga Bashkia e Tiranës nuk do të përfitojnë vetëm 11 lojtarët që zbresin në fushë, por i gjithë ekipi i Tiranës, të cilët i bënë kryeqytetit dhuratën më të bukur në këtë 100-vjetor të themelimit të klubit, por edhe të shpalljes kryeqytet.
“Jam jashtëzakonisht i lumtur që kupa e kampionatit, trofeu vazhdon dhe rri në Tiranë pas Partizanit vjet. Kjo është arsyeja pse i kam propozuar Këshillit Bashkiak që ne të japim një shpërblim 150 milionë lekë, që është ndoshta shpërblimi më i madh i dhënë ndonjëherë nga një bashki për një trofe dhe për ekipin e futbollit ku bashkia në fjalë është aksionere.
Ky shpërblim do të shkojë për të gjithë skuadrën, jo vetëm për ata 11 që zbresin në fushë.” tha Veliaj.
Ritheksojmë se kjo është hera e 25 që Tirana merr titullin kampion të Superligës në 100 vite ekzistencë si klub.ka.ta/Fjala.al/
