Ministri i Shtetit për ridërtimin Arben Ahmetaj ka dhënë sinjale se qeveria do t’i vijë në ndihmë edhe artistëve, të cilët prej dy ditësh kanë protestuar kundër aktit normative që mbyll aktivitetet e tyre.
Ahmetaj solli ne vëmendje ndihmën ndaj qytetareve te prekur nga tërmeti, duke aluduar për një përkrahje te ngjashme edhe për ata që po hasin vështirësi për shkak të pandemisë.
“Kemi pasur 2 ngarkesa të mëdha 1 nga tërmeti një nga pandemia dhe për çdo qytetar që procesi i rindërtimit ecën dhe për cdo qytetar që shikon që ka një akt normativ që mbyll baret e natës do reflektojë që në ditën e orës së vështirë kush është forca politike dhe lideri që përgjigjet dhe procesi i rindërtimit është një përgjigje shumë e drejtë dhe e verifikueshme se kjo qeveri dhe ky kryeministër nuk përgjigjet vetëm në ditë të mira por në ditë të vështira në atë momentin kur bie tërmeti dhe pandemia te kush i kthejmë sytë? besoj se kjo do na shoqëroj për një afat të gjatë, vështirësitë nuk kanë kaluar pandemia nuk ka mbaruar ne na duhet qeveria dhe njeriu i orës së vështirë.” -tha Ahmetaj.
Deklaratën, ministri Ahmetaj e bëri gjatë prezantimit të ecurisë së procesit të rindërtimit në zonat e prekura nga tërmeti i 26 nëntorit./Fjala.al/Ke.Ba
