Të shkarkoje Stefano Piolin pas rezultateve të ndeshjeve të fundit do të dukej si gabimi më i madh.
Pas karantinës për shkak të Covid-19, Milan u rikthye i frikshëm dhe ia doli te merrte rezultate shumë të mira, duke mposhtur skuadrat më të forta të Serisë A.
Klubi kuqezi i Italisë ka rinovuar kontratën me trajnerin, i cili tashmë do të jetë në krye të stolit të Milan deri në vitin 2022.
Kjo marrëveshje është bërë publike nga vetë klubi kuqezi me anë të një komunikate për mediat.
Ndërsa pas rinovimit të Piolit pritet të qëndrojnë në krye të Milanit edhe pjesa tjetër e stafit drejtues, Maldini-Massara.
“Jam i lumtur dhe krenar për këtë besim që kam marrë nga Milan. Dua të falënderoj të gjithë, përfshi këtu edhe fansat. Duhet të qëndrojmë të bashkuar dhe të vendosur, të jemi një skuadër e vërtetë. Nëse vazhdojmë në këtë rrugë do të jemi akoma më shumë konkurrues”,-tha Pioli pas konfirmimit të tij në krye të Milan.
Ndërsa ky rinovim duket se mund të ndikojë edhe te vendimi i Zlatan Ibrahimovic. Suedezi e vlerëson shumë Piolin dhe mendohet se kjo mund të sjellë edhe rinovimin e tij.ka.ta/Fjala.al/
