Pandemia e Covid-19 është duke e penguar sërish ecurinë e tenisit dhe rikthimi në normalitet i këtij sporti duket shumë i largët.
Organizatorët e turneut ATP Washington kanë bërë me dije sot anulimin e tij.
Turneu në fjalë duhej të niste më 14 gusht, por që u anulua. Ai pritej të rikthehej pas 5 muajsh pushim prej pandemisë, por tashmë gjithçka është enigmë.
Vendimi për anulimin e këtij turneu u mor duke parë masat e rrepta që kanë marrë autoritetet amerikane për sa i përket udhëtimit me avion, teksa shumë fluturime ndërkombëtare janë anuluar.
Po ashtu ka ndikuar shumë edhe rritja e rasteve me koronavirus ditët e fundit në Washington.
Ky vendim ka vënë në dilemë edhe grand slam të United States Open, që fillon më 31 gusht, në New Jork.
Organizatorët e US Open janë shprehur se momentalisht nuk ka asnjë ndryshim dhe se ai do të zhvillohet si zakonisht.ka.ta/Fjala.al/
