Joaquin Guzman Loera i njohur me emrin El Chapo u dënua me burgim të përjetshëm një vit më parë, ndërsa tashmë ai shpreson që apeli do të mund ta nxjerrë nga burgu amerikan ‘Supermax’.
El Chapo i cilësuar si lordi më i fuqishëm i drogës në botë udhëhoqi për vite me radhë kartelin meksikan Sinaloa. Një vit më parë ai u dënua me burgim të përjetshëm, plus 30 vjet ndërsa u shpall fajtor 10 akuza të trafikut të drogës, pastrim të parave dhe vrasje.
Avokati i Guzman, Mariel Colon u shpreh për mediat se do të apelojnë aktgjykimin për të anuluar dënimin përpara afatit, 21 gusht, por shanset e tij për tu liruar nga burgu janë të vogla.
Prokurorët e quajtën atë një ‘udhëheqës të pamëshirshëm dhe të etur për gjak’. Ndërkohë gjatë gjyqit, dëshmitarë pohuan se Guzman ka urdhëruar dhe madje ka marrë pjesë në tortura dhe vrasje të anëtarëve të kartelave të tjera./Re.Gu/Fjala.al
