Kur do nisë viti i ri arsimor? Si do jetë ai? A do nisë në 16 shtator apo më vonë? A do jetë on line apo me prezencë fizike? Janë të shumta pyetjet që shtrojnë të gjithë për vitin e ri arsimor. Por ende nuk kemi një përgjigje. Përparim Kabo profesor dhe pedagog në universitet tha në emisionin HARD TALK NGA ROLAND QAFOKU, se përgatitjet për fillimin e vitit të ri shkollor nuk kanë nisur ende dhe për këtë duhet të mbajë përgjegjësi ministria e Arsimit.
-Do doja një parashikim e para një herë në aspektin social, edhe për pandeminë, sepse askush nuk jep një recetë se çfarë do ndodhë , po në këndvështrimin tuaj si pritet të jetë gushti, shtatori, tetori, sepse ju jeni edhe pedagog dhe ajo që ka interes më të madh për shoqërinë është shkolla si do funksionojë. Duke filluar që nga fëmijët, dhe të gjitha ciklet e universitetit. Çfarë pritet të ndryshojë në shoqëri?
-Mua më shqetëson dhe brengos diçka Roland. Ne i lëmë gjërat për minutën e fundit. Ju thatë shumë bukur: Ore do fillojë shkolla. Fëmijët si do shkojnë. Po kjo pyetje duhet të shtrohet sot nga ministria e Arsimit, nga ministria e Shëndetësisë, nga institucione të tjera përgjegjëse. Çfarë do bëhet me fëmijët? Do desinfektohet kur hyjnë, do desinfektojnë duart, do shkojnë t’i lajnë, po me cilin ujë? Ku është uji? 30 vjet akoma s’ka ardhur uji në çezmë dhe ti do të hysh në BE. Do hysh në historinë e BE si i pari vend që integrohet në BE por nuk ka ujë 24 orë. Dhe këta merren me rrugën Milot-Fier./Fjala.al/Ke.Ba
https://youtu.be/HmqEWFx-j6U
