Kadri Veseli, Kryetari PDK-së ka reaguar pas lajmit se është infektuar me COVID-19.
Veseli është shprehur se i është nënshtruar testit por ende nuk ka marrë asnjë përgjigje.
Ndër të tjera ai ka shkruar se ka patur disa simptoma të lehta të virusit dhe për këtë arsye dyshon se mund të jetë bartës i tij.
Sipas rregullave, deri në marrjen e përgjigjes së tamponit, ai duhet të qëndrojë i izoluar.
“Të nderuar qytetarë,
Pas disa simptomave të lehta dhe dyshimeve që potencialisht mund të jam infektuar me Sars-CoV-2, sot e kam bërë testin.
Në përputhje me rekomandimet e institucioneve, jam vetizoluar deri në konfirmimin e rezultatit.
Apeloj te të gjithë qytetarët që t’i respektoni masat, t’i vendosni maskat, të mbani distancën dhe higjienën!”, shkruan Veseli. /Ra.My.Fjala.al
