Deputetja Rudina Hajdari pas përfundimit të mbledhjes së Këshillit Politik deklaroi se pas dy vitesh tani kemi tre palë që janë pro aplikimit të një sistemi zgjedhor me lista të hapura
Ligjvënësja shqiptare deklaroi se ndihet e lumtur për këtë ditë dhe tha se opozita parlamentare njësoj si opozita jashtëparlamentare mbështet listat e hapura 100%.
“Listat e hapura janë zgjidhja më e mirë për të forcuar demokracinë në këtë vend. Kemi dy vite me radhë që të bindim opozitën jashtë parlamentare dhe maxhorancën. Tani kemi tre palët që janë për listat e hapura. Ne jemi dakord për listat e hapura 100%, për sa i përket propozimeve të tjera do konsultohem me opozitën parlamentare. Më në fund erdhi tek qëndrimi ynë dhe Partia Demokratike dhe u bashkua në këtë kauzë. Të shohim si do ecim përpara, jam e lumtur për këtë ditë. Nuk debatova”, tha Hajdari.
/En.Br./Fjala.al
